Mit de Help vun den Kulturbahnhof K9 in Itzehoe kunnen wi ok in Coronatieden (noch vör de „Lockdown“) dat Hörspeel vun de Plattdüütsch-AG (Leezaa Waage, Fabi Lange, Celine Ritterhaus un Claire Imuetinyan) fardig maken.
Dat hett uns all tosamen düchtig Spaaß maakt un Ingrid Ebinal un Thomas Engel vun den Kulturbahnhof hebbt uns tosamen mit den Tontechniker Nils Jacobs mächtig goot ünner de Arms grepen.
Darför müchen wi uns vun Harten bedanken.
Anhören kann een sik dat Hörspeel op disse Homepage ünner „Schüler“. Wenn man op „Schüler“ klickt hett, mutt man op „Niederdeutsch“ klicken un achteran op De Bürgschaft. Veel Spaaß!